Xanchjou-2022 XIX yozgi Osiyo oʻyinlari ham o’z yakuniga yetdi. Oʻzbekiston delegatsiyasi medallar soni va sifati boʻyicha Osiyo o’yinlari tarixidagi eng yaxshi natijasini qayd etdi: 22 ta oltin, 18 ta kumush va 31 ta bronza, jami 71 ta.
Shu paytgacha eng yaxshi natijamiz 2018-yil Indoneziyada oʻtgan Osiyo oʻyinlarida qayd etilgan edi. Unda delegatsiyamiz 20 ta oltin, 24 ta kumush va 25 ta bronza, jami 69 ta medalga sazovor boʻlgan edi. Bu safar sifat va son boʻyicha ham rekordlar yangilandi.
Barcha hamyurtlarimizni muzaffar atletlarimizning ushbu yutugʻi bilan muborakbod etamiz. Gʻalabalar bardavom boʻlsin!