Bugun Olimpiya va Paralimpiya shon-shuhrati muzeyida Xanchjou-2022 Osiyo va Para Osiyo o‘yinlarida sovrindor bo‘lgan sportchilar hamda ularning murabbiylarini tantanali taqdirlash marosimi bo‘lib o‘tdi.
Tadbirda O‘zbekiston Respublikasi Prezidenti Administratsiyasi departament direktori Odil Abdurahmonov, Yoshlar siyosati va sport vaziri Adham Ikramov boshchiligidagi sportimiz rahbariyati, sportchilar va ularning murabbiylari hamda ommaviy axborot vositalari vakillari ishtirok etdi.
Marosimda O‘zbekiston Og‘ir atletika federatsiyasi rahbariyati ham ishtirok etib, Osiyo o‘yinlarida zafar quchgan sportchilarimizni samimiy muborakbod etishdi.
Eslatib o‘tamiz, Xanchjou-2022 Osiyo o‘yinlarida Akbar Jo‘rayev kumush, Ruslan Nuriddinov, Muhammadqodir Toshtemirov hamda Rustam Jangabayev bronza medaliga sazovor bo‘lgan edi.